Slik held du treningsmotivasjonen oppe

Postet av Knarvikmila den 8. Jul 2016

Klikk her for å melde deg på KnarvikMila.

Freistar solstolen meir enn å springe ein tur? Vår samarbeidspartner og personlege trener Svein Roar Kvamme gir deg tips om korleis du kan halde treninga ved like i sommar.

1. Finn nokon å trene i lag med!

Lag avtalar med vener eller andre om å trene. Å trene saman med nokon kan gjere treninga trivlegare, samstundes som det forpliktar meir.

2. Set deg eitt konkret mål

Set deg eitt mål som er så konkret som mogleg, og som verkeleg betyr noko for deg. Om du ser for deg noko du brenn for å få til er det enklare å kome seg over dørstokkmila dei dagane sofaen freistar som mest.

Døme på gode mål:

  • Gjennomføre KnarvikMila eller eit anna mosjonsarrangement. Meld deg gjerne på då det forpliktar litt ekstra!
  • Gå ned x kilo i vekt.
  • Sette personleg rekord i ei øving eller din lokale løperunde.

3. Set deg delmål på vegen og lønn deg sjølv.

Av og til kan hovudmålet synast fjernt og langt fram i tid. Set deg gjerne delmål på vegen og premier deg sjølv når du når desse. Kanskje med nytt treningsutstyr eller ein betre middag?

Gi deg sjølv ein premie om du til dømes

  • Greier å trene tre gonger i veka i ein månad.
  • Greier å «perse».
  • Når ein milepåle.

4. Få hjelp til å sette saman eit fornuftig treningsregime

Mange er ekstremt motiverte når dei starter å trene, og er kanskje litt i overkant ambisiøse når det gjeld treningsmengde og intensitet. Vi har alle ulike treningsbakgrunn, og det er difor viktig å ha riktig progresjon og intensitetsstyring i treninga. Engasjer gjerne ein personleg trener for å legge opp ein fornuftig treningsplan som tar omsyn til utgangspunktet ditt og dine mål.

5. Invester i godt utstyr

Gode joggesko tilpassa ditt løpssteg er viktig for å unngå skader når du trener. Skader og smerter ein av dei største grunnane til at folk slutter å trene. Gode treningsklede og «gadgeter» som pulsklokke og aktivitetsmålar kan òg vere med å skape ekstra motivasjon til å gjennomføre treninga.

6. Tren om morgonen!

Ved å trene rett før eller etter frukost i ferien kan du med god samvit nyte resten av dagen og dei aktivitetane som måtte følge med.

Så set deg eitt mål og meld deg på KnarvikMila her!


Lukke til!




Kommentarer

0 Kommentar

Logg inn for å skrive en kommentar.

Powered by: Bloc